გამოვიღე წეღან ჩემი დაშლილი ლცდ მონიტორის ნაწილები და დავიწყე ამ ნაწილების ერთმანეთთან და კომპიუტერთან მიერთება, რომ მენახა რა შეიძლება ამისგან მომავალში გამოვიდეს, ანუ როგორ ატარებს და ირეკლავს შეხებას, ინფრაწითელ შუქს.
გამოვიყენე ჩემი ადრე გაკეთებული
MTMini-ს ყუთი, წესით უფრო დიდი ყუთი უნდა ამ მონიტორს (უფრო დიდია იმ ყუთზე) მაგრამ ესეც წავა საცდელად, დავუდე თავისივე შუშა, რომელსაც მტმინიზე ვხმარობდი, გვერდიდან მივაკარი მონიტორის კონტროლერების ბლოკი, შიგნით ჩავტენე ჩემი ინფრაწითელი კამერა და ინფრაწითელი განათება. შუშას ზემოდან დავადე ლცდ მატრიცა და მივაერთე ერმანეთს. ჰო, კიდე მონიტორის თავისივე განათების მილაკები გავურჭე ყუთში, რომ რამე განათება ყოფილიყო (საბოლოოს განათებას გავაკეთებ შუქდიოდებით, რომელიც შეკვეთილი მაქვს და მოდის უკვე) და ჩავრთე. იმის გათვალისწინებით, რომ კალიბრაცია არ გამიკეთებია, და ინფრაწითელი განათება თანაბარი არ იყო, ბევრ არაფერს არ ველოდი, უბრალოდ მაინტერესებდა დაშლილ მდგომარეობაში თუ ჩაირთვებოდა და რამე შეხებას მაინც თუ აღიქვამდა. ჩაირთო კიდევაც და შეხებაც აღიქვა.
შემდეგი ეტაპია - ნორმალური ყუთის გაკეთება, ნორმალური განათების და ნორმალური იწ განათების აწყობა.
Google Sketchup ჩამოვტვირთე და იმაში დავხაზავ ყუთის მოდელს.
Posts
